“Soyuq Əllər, İsti Ürək” 2024/2025 xeyriyyə yarmarkası sayəsində daha bir uşağın həyatına ümid olduq! Bu, sponsorların, mesenatların, “Nargis” Fond rəhbərliyinin və yarmarka evlərinin kirayəsindən əldə edilən gəlirin nəticəsində mümkün oldu.

12 yaşlı Azər Məhərrəmli aplastik anemiya xəstəliyindən əziyyət çəkirdi və müalicəsi üçün 64.000 ABŞ dolları tələb olunurdu. Məbləğin bir hissəsi Azərin ailəsi tərəfindən toplanmışdı. Xeyriyyə yarmarkasından toplanan vəsait və xeyirxah insanların dəstəyi ilə bu məbləğ tam şəkildə təmin edilərək, Azərin müalicəsinə şərait yaradıldı.

Sevindirici xəbər odur ki, Azər artıq sağalıb! Ona dəstək olan hər kəsə – sponsorlarımıza, mesenatlara və yarmarka iştirakçılarına dərin təşəkkürümüzü bildiririk.

Xüsusilə də Azərin və ailəsinin Türkiyəyə səfərini təmin edən @azerbaijanairlines -a minnətdarlığımızı ifadə edirik!