"Nargis" Fondu 2012-ci ildə "Nargis" jurnalının baş redaktoru Ülviyyə Mahmud tərəfindən təsis edilmişdir. 2016-cı ildə Fond rəsmi olaraq ədliyyə Nazirliyində qeydiyyatdan keçmişdir.

Fondun əsas məqsədi sosial müdafiəsiz insanlara, ilk növbədə müxtəlif xəstəliklərdən əziyyət çəkən uşaqlara kömək etməkdir. Fəaliyyət göstərdiyi illər ərzində Fond respublikanın hər yerindən gələn yüzlərlə uşağa anadangəlmə eşitmə pozuntusu, ürək çatışmazlığı, Talassemiya, leykoz, xərçəng, böyrək çatışmazlığı, göz xəstəlikləri, hipospadiya, vərəm, sarkom, skolioz və bir çox digər xəstəliklərdən əziyyət çəkən uşaqlara kömək etmişdir.