5 Noyabr tarixində Azərbaycan Respublikasının Birləşmiş Ərəb Əmirliklərinin Dubay şəhərində yerləşən Baş Konsulluğunun təşkilatçılığı və “Nargis” Fondunun dəstəyi ilə Zəfər Gününə həsr olunan mədəniyyət tədbiri keçirildi. Azərbaycan Baş Konsulluğunda baş tutan tədbirdə “The “Nargis” Fund Book”, “NARGIS Book: Qarabağ” və “Əlifba: A Cultural Alphabet” kitabları təqdim olundu. Gecənin xüsusi qonağı-tanınmış sənətçi Şəhriyar İmanov- öz çıxışı ilə tədbirə rəng qatdı. Qonaqlar Azərbaycan mətbəxinin dadlı nümunələrindən, milli rəqslərdən və musiqidən zövq alaraq milli mədəniyyətimizin zənginliyini və Zəfər Gününün qürurunu yaşadılar.
Tədbirin təşkilinə və həyata keçirilməsində göstərdikləri dəstəyə görə Baş konsulumuz Cavidan Hüseynov başda olmaqla, sponsorlarımız «Baku Steel Company» və «Port of Baku» - ya, eləcə də təşkilatı dəstəyə görə “Azərbaycan Hava Yolları” QSC-yə təşəkkürümüzü bildiririk!