Eyvaz Əlizadə uşaq serebral iflicindən əziyyət çəkir. O, uzun müddət müalicə kursu keçib və əhəmiyyətli müsbət nəticələr əldə edib. Həkimlərin sözlərinə görə, uşaq Ankaranın aparıcı klinikalarından birində daha 2 müalicə kursu keçməlidir. Eyvaz artıq bir həftədir ki, reabilitasiya kursuna başlayıb. Müalicənin ilk kursu üçün tələb olunan 6745 ABŞ dolları BP şirkətinin əməkdaşları tərəfindən ödənilib. “Nargis Fund” Eyvazın müalicəsində göstərdiyi kömək üçün BP şirkətinin kollektivinə və uşağın Türkiyəyə uçuşunun həyata keçirilməsində yardım etdiyinə görə “Türk Hava Yolları” şirkətinin Bakı ofisinin rəhbəri cənab Seyfullah İlyasa dərin minnətdarlığını bildirir!